முச்சக்கரவண்டி தீயில் எரிந்து நாசம்

தலவாக்கலை - நுவரெலியா வீதியில் பயணித்த முச்சக்கரவண்டி ஒன்று நானுஓயா தபால் நிலையத்திற்கு முன்பாக வைத்து தீப்பிடித்து முற்றாக எரிந்து நாசமாகியுள்ள சம்பவம் வெள்ளிக்கிழமை (03) இடம்பெற்றுள்ளது .

நோட்டபிரிட்ஜில் இருந்து நுவரெலியா நோக்கி பயணித்த முச்சக்கர வண்டியொன்றே  இவ்வாறு விபத்துக்குள்ளாகியுள்ளதுடன் முச்சக்கரவண்டியில் ஏற்பட்ட தொழில்நுட்பக் கோளாறு காரணமாகவே தீ விபத்து ஏற்பட்டுள்ளதாக நானுஓயா பொலிஸார் தெரிவித்துள்ளனர் .

 மேலும் இது தொடர்பிலான மேலதிக விசாரணைகளை நானுஓயா பொலிஸார் மேற்கொண்டு வருகின்றனர்.

செ.தி.பெருமாள்