மேல் கொத்மலை நீர்த்தேக்கத்தில் எண்ணெய் படலம்

மேல் கொத்மலை நீர்த்தேக்கத்தில் பாரியளவில் எண்ணெய் படலம் காணப்படுவதாகத் தெரிவிக்கப்படுகின்றது.

இவ்வாறான எண்ணெய் படலமானது நீர்த்தேக்கத்தின் கரையோரங்களில் படிந்துள்ளது.

எண்ணெய் படலம் காணப்படுவதால், நீர்த்தேக்கத்திலுள்ள பாசித் தாவரங்கள் அகன்று நீர்த்தேக்கத்தின் மத்திய பகுதி, கரையோரங்களில் மிதப்பதாகவும் தெரிவிக்கப்படுகின்றது.

மேல் கொத்மலை நீர்த்தேக்கத்துக்கு நீரை கொண்டு வரும் பிரதான இரு ஆறுகளான நானுஓய, ஆக்ரோயா ஆறுகளின் நீரிலிருந்தே இவ்வாறு எண்ணெய் படலம் படிந்திருக்கலாம் என மலைநாட்டு சுற்றாடல் சங்கம் தெரிவித்துள்ளது.

இவ்வாறு எண்ணெய் படலம் படிந்துள்ளதால், நீர்வாழ் உயிரினங்கள், நீர் வாழ் தாவரங்கள் என்பவை அழிவடைவதுடன், நீர்த்தேக்கதத்தின் அழகுக்கும் ஆபத்து ஏற்பட்டுள்ளதாக மலைநாட்டு சுற்றாடல் சங்கம் தெரிவித்துள்ளது.