லயன்குடியிருப்பில் தீ ; 6 வீடுகள் சேதம்

ரஞ்சித் ராஜபக்ஸ

ஹட்டன் பொலிஸ் பிரிவுக்குட்பட்ட அபோட்ஸ்லி தோட்டத்தின் மொண்டிபெயார் பிரிவிலுள்ள லயன் குடியிருப்பு ஒன்றில் இன்று (16) காலை தீபரவல் சம்பவம் ஒன்று இடம்பெற்றுள்ளது.

இதன்போது 20 வீடுகளைக் கொண்ட குறித்த லயக்குடியிருப்பின் 6 வீடுகள் பகுதியளவில் எரிந்து நாசமாகியுள்ளதாக ஹட்டன் பொலிஸார் தெரிவித்தனர்.

காலை 8 மணியளவில் ஏற்பட்ட தீயானது ஏனைய வீடுகளுக்கு பரவாமல் தோட்ட நிர்வாக அதிகாரிகளும் தோட்டத் தொழிலாளர்களும் இணைந்து கட்டுப்பாட்டுக்குள் கொண்டு வந்துள்ளனர்.

தீ விபத்தில் யாருக்கும் காயம் ஏற்படவில்லை என்பதுடன் தீ விபத்துக்கான காரணம் இன்னும் கண்டறியப்படவில்லை.

தீ விபத்து தொடர்பில் ஹட்டன் பொலிஸார் விசாரணைகளை மேற்கொண்டு வருகின்றனர்.