விக்டோரியா நீர்த்தேக்கம் புனரமைப்பு?

விக்டோரியா நீர்த்தேக்கத்தின் அணைக்கட்டு, 32 வருடங்களுக்குப் பின்னர் புனரமைக்கபடவுள்ளதென, மகாவலி அபிவிருத்தி அதிகார சபையின் பணிப்பாளர் எவ்.ஆர்.கே.அருப்பல தெரிவித்தார்.

நீர்த்தேக்கத்தின் மின்னுற்பத்தி கட்டமைப்பு, வான் கட்டமைப்பு மற்றும் மின்விசை கட்டமைப்பு என்பனவற்றின் செயற்றிறன் குறைவடைந்த நிலையில், இந்தப் புனரமைப்பு பணிகள் மேற்கொள்ளப்படவுள்ளதாக, அவர் மேலும் கூறினார்.

இந்த புனர் நிர்மாண திட்டத்துக்கு அமைய நீர்த்தேக்கத்தின் அடித்தளம் மற்றும் அணைக்கட்டமைப்பு என்பன ஆய்வுக்கு உட்படுத்தப்படவுள்ளன.

விக்டோரியா நீர்த்தேக்கத்தின் அணைக்கட்டு, 122 மீற்றர் உயரத்தை கொண்டமைந்துள்ளதுடன், அதன் அகலம் 25 மீற்றராகும்.