விடுமுறையில் பதுளை செல்ல விசேட ரயில்

ஓகஸ்ட் விடுமுறை காலத்தில் பதுளைக்கு செல்வதற்கு விசேட ரயில் சேவையை நடத்துவதற்கு ரயில் திணைக்களம் நடவடிக்கை எடுத்துள்ளது.

ஓகஸ்ட் விடுமுறை காலத்தில் மலையகம் நோக்கி உள்நாட்டு மற்றும் வெளிநாட்டு சுற்றுலா பயணிகள் படையெடுப்பது வழக்கம்.

இந்தக் காலப்பகுதியில் ரயில் சேவைக்கு அதிகளவு கேள்வி நிலவுவதை அவதானிக்க முடிவதுடன், ரயிலில் கூட்டம் நிரம்பி வழியும்.

இந்த நிலையில், நாளைய தினம் முதல் கொழும்பில் இருந்து பதுளைக்கு விசேட ரயில் சேவையொன்று முன்னெடுக்கப்படவுள்ளது.

கொழும்பு கோட்டை ரயில் நிலையத்தில் காலை 07.05 மணிக்கு புறப்படும் இந்த ரயில், மறுநாள் காலை 7.30 மணிக்கு கொழும்பு நோக்கி பயணிக்கும்.

கொழும்பு கோட்டையில் இருந்து பதுளை நோக்கிச்செல்லும் வழமையான ரயில் சேவைகளுக்கு மேலதிகமாக இந்த சேவை நடைமுறைப்படுத்தப்படுகின்றது.