விபத்தில் ஒருவர் பலி

-மொஹொமட்  ஆஸிக்

குருணாகளை - தம்புள்ளை வீதியில், தொலம்பகொள்ள  பிரதேசத்தில், நேற்று  (31) இரவு 11  மணியளவில் இடம்பெற்ற  வாகன  விபத்தில், ஒருவர் உயிரிழந்துள்ளார்.

தொடங்கஸ்லந்த - இஹலகம பிரதேசத்தைச் சேர்ந்த, பீ.டீ. சமன் பந்துல (வயது 46) என்பவரே இவ்வாறு உயிரிழந்துள்ளார்.

குருணாகளை - தம்புள்ளை வீதியில்  பயணித்த டிப்பர்  வண்டி  ஒன்றில் மோதிய குறித்த நபர், படுகாயங்களுக்கு உள்ளான நிலையில், கலேவலை வைத்தியசாலையில் அனுமதித்த உயிரிழந்துள்ளார்.

இவ்விபத்து தொடர்பாக, டிப்பர்  வண்டின் சாரதியை வராக்காபொல பொலிஸார் கைதுசெய்துள்ளனர்.