விபத்தில் பெண் பலி; ஒருவர் படுகாயம்

பாலித ஆரியவன்ச

பண்டாவரளை நகரில், நேற்று (6)  இடம்பெற்ற விபத்தில், பெண்ணொருவர் உயிரிழந்துள்ளதுடன், மற்றுமொருவர் படுகாயமடைந்த நிலையில், வைத்தியசாலையில் அனுமதிக்கப்பட்டுள்ளார்.

பண்டாரவளை இனிகம்பெத்த பிரதேசத்தைச் சேர்ந்த சந்திரிகா விஜேரத்ன என்ற பெண்ணே இவ்வாறு உயிரிழந்துள்ளார்.

மேற்படி பெண்,  தனது நண்பருடன் பாதசாரிக் கடவையினூடாகப் பாதையைக் கடக்க முயன்றபோது, ஓட்டோ ஒன்றில் மோதுண்டு உயிரிழந்துள்ளாரென பொலிஸார் தெரிவித்தனர்.

விபத்துடன் தொடர்புடைய ஓட்டோவின் சாரதியைக் கைதுசெய்துள்ள பொலிஸார், ஓட்டோவையும் பொலிஸ் நிலையத்துக்குக் கொண்டு சென்றுள்ளனர்.