விபத்தில் மூவர் காயம்

எஸ்.கணேசன், ரஞ்சித் ராஜபக்ஷ 

பத்தனை- குயின்ஸ்பெரி தோட்டத்திலிருந்து, நுவரெலியாவுக்கு சேதனப் பசளைகளை (சாணம்) ஏற்றிச்சென்ற டிப்பர் ரக வாகனம்,  தலவாக்கலை - நாவலப்பிட்டி பிரதான வீதி, குயின்ஸ்பெரி தோட்டத்தில், குடைசாய்ந்து விபத்துக்குள்ளானதாக தெரிவித்த பொலிஸார், இவ்விபத்தில் மூவர் படுகாயமடைந்துள்ளனர் என்றும் தெரிவித்தனர்.

ஞாயிற்றுக்கிழமை இரவு இடம்பெற்ற இவ்விபத்தில் படுகாயமடைந்த மூவரும் நாவலப்பிட்டிய வைத்தியசாலையில் அனுமதிக்கப்பட்டுள்ளனர் என்றும் தெரிவித்தனர்.

டிப்பர் ரக வாகமானது, வேகக் கட்டுப்பாட்டை இழந்து  விபத்துக்குள்ளாகியுள்ளதாக தெரிவித்த பொலிஸார், இவ்விபத்துத் தொடர்பில் மேலதிக விசாரணைகளையும் மேற்கொண்டு வருகின்றனர்.