வீதி செப்பனிடப்படாததால் நோயாளர்கள் அவதி

மஸ்கெலியா பிரதேச சபைக்குக்குட்பட்ட மஸ்கெலியா மாவட்ட வைத்தியசாலைக்குச் செல்லும் பிரதான வீதி, குன்றும் குழியுமாக இருப்பதாகவும் இதனால், வைத்தியசாலைக்குச் செல்லும் நோயாளர்கள், மிகுந்த சிரமத்துக்கு ஆளாகின்றனர் என்றும் குற்றச்சாட்டு முன்வைக்கப்பட்டுள்ளது.  

மஸ்கெலியா பிரதேச சபைக்கு, வைத்தியசாலையின் நிலவாரியாக, வருடமொன்றுக்கு ஒரு இலட்சத்து அறுபத்து எட்டு ரூபாய் அறவிடப்படுவதாகவும் பிரதேச சபையால், இது தொடர்பில் எந்தவோர் அபிவிருத்தி நடவடிக்கையும் மேற்கொள்ளபடுவதில்லை என்றும், வைத்திய அதிகாரி லியத்தபிட்டிய தெரிவித்தார்.