வெற்றுத் தோட்டாக்கள் மீட்பு

மு.இராமச்சந்திரன், எஸ்.கணேசன்

நோட்டன்பிரிட்ஜ், கொத்தலென வீதி, மக்கரதொரண பகுதியிலுள்ள பஸ்தரிப்பிடத்திலிருந்து, ரி-56 ரக துப்பாக்கிக்கு பயன்படுத்தப்படும் ஏழு வெற்றுத் தோட்டாக்களை, நோட்டன்பிரிட்ஜ் பொலிஸார், இன்று(25) காலை மீட்டுள்ளனர்.

மேற்படி பகுதியில் பஸ்ஸுக்காக காத்திருந்த ஒருவர், அவ்விடத்தில் சந்தேகத்துக்கு இடமாகக் கிடந்த பொலித்தீன் பையை பார்த்துள்ளதுடன், அதில் தோட்டாக்கள் இருந்ததைக் கண்டு, உடனடியாக பொலிஸாருக்குத் தகவல் வழங்கியுள்ளார்.

இதனையடுத்து, ஸ்தலத்துக்கு விரைந்த பொலிஸார், தோட்டாக்களை மீட்டுள்ளதுடன், “ஜொனி” என்றழைக்கப்படும் மோப்ப நாயின் உதவியுடன், தேடுல் நடவடிக்கையை ஆரம்பித்துள்ளனர்.