ஹப்புத்தளை, எல்ல சுகாதாரப் பிரிவுகளில் 109 பேருக்கு தொற்று

நடராஜா மலர்வேந்தன்

ஹப்புத்தளை மற்றும் எல்ல ஆகிய பொதுசுகாதார பிரிவுகளில், 109 பேருக்கு, கொரோனா வைரஸ் தொற்று உறுதிபடுத்தப்பட்டுள்ளது.

ஹப்புத்தளை சுகாதார பிரிவுக்குட்பட்ட ஹப்புத்தளை, தியத்தலாவை ஆகியப் பகுதியில் 161 பேருக்கு மேற்கொள்ளப்பட்ட பிசிஆர் பரிசோதனைகளில், 66 பேருக்கு கொரோனா வைரஸ் தொற்று உறுதிபடுத்தப்பட்டுள்ளதாக அப்பிரிவுக்குப் பொறுப்பான பொதுசுகாதார பரிசோதகர் சுப்ரமணியம் சுதர்சன் தெரிவித்தார்.

எல்ல சுகாதார பிரிவுக்கு உட்பட்ட பகுதிகளில், 141 பேருக்கு மேற்கொள்ளப்பட்ட பிசிஆர் பரிசோதனைகளில், 43 பேருக்கு கொரோனா வைரஸ் தொற்று உறுதிசெய்யப்பட்டுள்ளது.