தாயின் மூக்குத்தியை அபகரித்த ஹெரோயின் அடிமை விளக்கமறியலில்

71 வயதான தனது தாயாரின் கழுத்தை நெரித்து அவரின் மூக்குத்தியை பறித்ததாக குற்றம் சுமத்தப்பட்ட, போதைப் பொருளுக்கு அடிமையான நபர் ஒருவரை நவம்பர் 14 ஆம் திகதிவரை விளக்கமறியலில் வைக்குமாறு கொழும்பு கோட்டை நீதவான் இன்று உத்தரவிட்டார்.

கடந்த சில வாரங்களாக ஹெரோயின் விலை வெகுவாக அதிகரித்துள்ள நிலையில் ஹெரோயின் வாங்குவதற்கு போதிய பணமில்லாததால் சந்தேக நபர் இக்குற்றத்தை செய்திருக்கலாம் என கொழும்பு கோட்டை நீதவான் லங்கா ஜயரட்னவிடம் கொம்பனித் தெரு பொலிஸார் தெரிவித்தனர்.

மொஹமட் சாதிக் எம். லாஸர் எனும் இச்சந்தேக நபர் அவரின் உறவினர்கள் செய்த முறைப்பாட்டையடுத்து கைதானார்.