'மீற்றர் டெக்ஸி, 'கெப்' சேவைகளால் முச்சக்கர வாகன சேவைக்கு பாதிப்பு'

(தமித் விக்கிரமசேகர)

பெரும் எண்ணிக்கையான முச்சக்கர வாகங்கள் கடந்த சில மாதங்களில் இலங்கை வீதிகளில் பாவனைக்கு வந்துள்ளதாலும்  பல கார் டெக்ஸி சேவைகள்  மற்றும் மீற்றர் டெக்ஸி முச்சக்கரவாகன சேவைகளின் அறிமுகத்தாலும் தமது தொழில்வாய்ப்பு பாதிக்கப்பட்டுள்ளதாக முச்சக்கர வாகன சாதரதிகள் தெரிவித்துள்ளனர்.

முச்சக்கர வாகன சாரதிகள் பலர் ஏற்கெனவே வேறு தொழில்களைத் தேடத் தொடங்கியுள்ளதாகவும் அவர்கள் சண்டே டைம்ஸுக்குத் தெரிவித்தனர்.

மோட்டார் வாகன பதிவாளரின்படி கடந்த 10 மாதகாலத்தில் 112, 433 முச்சக்கர வாகனங்கள் பதிவுசெய்யப்பட்டுள்ளன. அதாவது 10 மாதகாலத்தில் தினமும் சாராசரியாக 375 முச்கரவாகனங்கள் பதிவுசெய்யப்பட்டுள்ளன.  கடந்த வருடம் முழுவதும் 85,648 முச்சக்கர வாகனங்களே பதிவு செய்யப்பட்டிருந்தமை குறிப்பிடத்தக்கது.

கடந்த 25 வருடங்காக முச்சக்கர வாகன சாரதியாக தொழில்புரிந்துவரும்ஜே.எச். ரோஹன (42) என்பவர் இது தொடர்பாக கூறுகையில், "புறக்கோட்டையில் நான் எனது முச்சகக்கர வாகனத்தை இயக்கியபோதிலும் 'ஹயர்' ஒன்றை பெற்றுக்கொள்வதற்கு இப்பொது இருமணித்தியாலங்கள் காத்திருக்க வேண்டியுள்ளது. முன்னர் வீட்டுச்செலவுக்கு 800 ரூபாவை கொண்டுசெல்வேன். இப்போது அது 400 ரூபாவாக குறைந்துள்ளது. தினமும் நான் முச்சக்கர வான உரிமையாளருக்கு 350 ரூபாவை செலுத்த வேண்டும்" எனக் கூறியுள்ளார்.

"காலையில், காலை உணவுக்குப் பணம் தேடுவதற்காக 'ஹருக்கு' காத்திருக்க வேண்டியுள்ளது. சில வேளை பல மணித்தியாலங்களும் காத்திருக்க வேண்டும். எரிபொருள் விலையேற்றமும் எம்மை பாதிக்கிறது. மீற்றர் டெக்ஸிகள், 'கெப்' சேவைகள், என்பனவும் சாதாரண முச்சக்கர வாகன சேவைக்கு பாதிப்பை ஏற்படுத்துகின்றன" எனவும் அவர்கூறினார்.

நாமல் பிரசன்ன என்பவர் இது தொடர்பாக கூறுகையில், வேறு காரணங்களாலும் வாடிக்கையாளர்கள் மீற்றர் டெக்ஸிகளை விரும்புவதாக கூறினார்.

"தேவையேற்பட்டால் பின்னர் இனங்காணக்கூடிய முச்சக்கர வாகனங்களை பயணிகள் சௌகரியமாக கருதுகின்றனர். பெரும்பாலான மீற்றர்டெக்ஸி சாரதிகள் தமதுதொலைபேசி இலக்கத்தையும் வழங்குகின்றனர். எனவே ஏதேனும் பிரச்சினை ஏற்பட்டால்  அம்முச்சக்கர வாகனங்களை தேடிப்பிடித்துக்கொள்ள முடியும்"  என்றார்.

எனினும் அதிக எண்ணிக்கையான முச்சக்கர வாகனங்கங்கள் நகரில் இருப்பதே வருமானம் இழப்புக்கு முக்கிய காரணம் என அவர் கூறினார்.

மீற்றர் டெக்ஸிகள் குறுகிய தூரங்களுக்கு ஓடினால் நஷ்டத்தை எதிர்கொள்ளும் எனவும் அவர் தெரிவித்தார்.
எனினும் மீற்றர் டெக்ஸி இயக்குநர்களை பிரதிநிதித்துவப்படுத்தும் அகில இலங்கை முச்சக்கர வாகனமோட்டிகள் சங்கத்தின் தலைவர் கெலும் ஜயசுந்தர இது தொடர்பாக கூறுகையில், மீpற்றர் டெக்ஸி இயக்குநர்களுக்கு அவர்களின் சேவை முறை காரணமாக பாதிப்பு இல்லை என்றார்.

'இச்சாரதிகள் அனைவரும் பயிற்றுவிக்கப்பட்ட ஒழுக்கமானவர்கள். கட்டணங்கள் நிர்ணயிக்கப்பட்டவை. சாரதிகளை தொடர்புகொள்ளக்கூடியதாக இருப்பதால் பாதுகாப்பு அதிகம். இதனால் மீற்றர் டெக்ஸிகள் பிரபலமாகி வருகின்றன' என்றார். (சண்டே டைம்ஸ்)