'நான்கு கலீபாக்கள்' நூல் வெளியிட்டு நிகழ்வு

அம்பாறை மாவட்ட ஜம்ய்யதுல் உலமா சபையின் தலைவர் அஷ்ஷெய்க் எஸ்.எச்.ஆதம்பாவா எழுதிய 'நான்கு கலீபாக்கள்' நூல் வெளியிட்டு நிகழ்வு அண்மையில் கொழும்பில் நடைபெற்றது.

முஸ்லிம் சமய கலாசார திணைக்கள பணிப்பாளர் வை.எல்.எம்.நவவி தலைமையில் நடைபெற்ற இந்நிகழ்வில் ஸ்ரீலங்கா முஸ்லிம் காங்கிரஸின் தலைவரும் நீதி அமைச்சருமான ரவூப் ஹக்கீம் பிரதம அதிதியாக கலந்துகொண்டார்.

இதேவேளை, அகில இலங்கை ஜம்ய்யதுல் உலமா சபையின் பொது செயலாளர் அஷ்ஷெய்க் எம்.ஏ.முபாரக் விசேட அதிதியாக கலந்துகொண்டதுடன் பேருவளை ஜாமிஆ நளீமிய்ய கலாபீடத்தின் பிரதி பணிப்பாளர் அஷ்ஷெய்க் ஏ.சீ.அகார் விசேட உரையாற்றினார்.

இந்நூலின் சிறப்பு பிரதிகளை நாடாளுமன்ற உறுப்பினர் எச்.எம்.எம்.ஹரீஸ், மாகாண சபை உறுப்பினர் ஏ.எம்.ஜெமீல் மற்றும் தொழிலதிபர் முஸ்லிம் சாலாஹுதீன் உள்ளிட்ட பலர் பெற்றுக்கொண்டனர்.

அஷ்ஷெய்க் எஸ்.எச்.ஆதம்பாவா அகில இலங்கை ஜம்ய்யதுல் உலமா சபையின் பிரதி தலைரும் கல்முனை அல் - ஹாமியா அரபு கல்லூரியின் பணிப்பாளருமாவார்.