மோட்டார் சைக்கிளில் சுற்றியவர் கைது

கோட்டை - ராஜமாவத்தை பிரதேசத்தில், சந்தேகத்துக்கிடமான முறையில் ​மோட்டார் சைக்கிளில் சுற்றிய நபரொருவரை, மிரிஹென பொலிஸார் கைதுசெய்துள்ளனர்.

மிரிஹான பகுதியைச் சேர்ந்த 43 வயதுடைய நபரே இவ்வாறு கைது செய்யப்பட்டுள்ளார்.

குறித்த மோட்டார் சைக்கிளை நிறுத்தி சோதனை செய்த போது, அந்த ​வாகனம் தொடர்பான எந்தவொரு ஆவணத்தையும் குறித்த நபர் வைத்திருக்கவில்லை என, பொலிஸார் தெரிவித்தனர்.

அந்த மோட்டார் சைக்கிள், கொள்ளுப்பிட்டியில் அமைந்துள்ள இரவுநேர விடுதியொன்றில் அறிமுகமான நபரொருவரிடமிருந்து அடமானமாகப் பெற்றுக்கொள்ளப்பட்டதென, குறித்த சந்தேகநபர், தனது வாக்குமூலத்தில் தெரிவித்துள்ளார்.