‘தனியார் காணி என்பதால் எம்மால் தீர்வை வழங்க முடியாது’

-சுப்பிரமணியம் பாஸ்கரன்

“பன்னங்கண்டி - சரஸ்வதி கமம், தனியார் காணி என்பதால் எம்மால் தீர்வை வழங்க முடியாது. காணி உரிமையாளருடன் பேசி ஒரு சுமூகமான முடிவை பெற வேண்டியுள்ளது” என்று, கரைச்சிப்பிரதேச செயலளார் கோ.நாகேஸ்வரன் தெரிவித்துள்ளார்.

காணி உரிமையாளரின் உரிய பதில் எதுவுமின்றி கிளிநொச்சி -பன்னங்கண்டி சரஸ்வதி கமம் பகுதியில், மக்களின் கவனயீர்ப்புப் போராட்டம், 16ஆவது நாளாகவும் வெள்ளிக்கிழமை (07) தொடர்ந்தும் முன்னெடுக்கப்பட்டது.

கிளிநொச்சி - பன்னங்கண்டி பகுதியில், தனியாருக்கு சொந்தமான சரஸ்வதி கமம்  பகுதியில், 1990ஆம் ஆண்டு முதல் குடியிருந்து வரும் குடும்பங்கள் தமக்கான காணி உரிமங்களை வழங்கி வீட்டுத்திட்டங்கள் உள்ளிட்ட வசதிகளை வழங்குமாறு கோரியே, இப்போராட்டம்  முன்னெடுக்கப்படுகின்றது.