20 வருடங்களாக தீவகப் பகுதியில் மூடப்பட்டிருந்த இரு பாதைகள் திறப்பு

(தாஸ்,சரண்யா)

20 வருடங்களுக்கு மேலாக தீவகப் பகுதியில் மூடப்பட்டிருந்த பாதைகள் இரண்டு வடமாகாண ஆளுநர் ஜி.ஏ.சந்திரசிறி, அமைச்சர் டக்ளஸ் தேவானந்தா, வடமாகாணக் கடற்படைக் கட்டளைத் தளபதி எஸ்.எம்.பி.வீரசேகரா ஆகியோரால் நேற்று ஞாயிற்றுக்கிழமை திறந்துவைக்கப்பட்டன.

தீவகம், வேலணை மத்திய கல்லூரிக்குச் செல்லும் பிரதான பாதையும் மண்டதீவு பிரதான பாதையுமே இவ்வாறு திறந்துவைக்கப்பட்டவையாகும்.

இங்கு உரையாற்றிய வடமாகாண ஆளுநர் ஜி.ஏ.சந்திரசிறி, இவ் வீதிகளைப் புனரமைப்புச் செய்வதற்காக வடக்கு மாகாண நிதியிலிருந்து நிதி ஒதுக்கீடு செய்வதாகவும் தெரிவித்தார்.