பருத்தித்துறைப் பொலிஸாரின் நடமாடும் சேவைகள்

(கர்ணன்)

பருத்தித்துறைப் பொலிஸாரின் நடமாடும் சேவைகள் எதிர்வரும் சனிக்கிழமை காலை 9.30 மணிக்கு சக்கோட்டை,  அல்வாய் வடக்கு றோமன் கத்தோலிக்கத் தமிழ் கலவன் பாடசாலையில் நடைபெறவுள்ளன.

பருத்தித்துறைப் பொலிஸ்நிலையப் பொறுப்பதிகாரி டி.எம்.எல். லலித்புசல்லா தலைமையில் இடம்பெறவுள்ள இந்த நடமாடும் சேவையில் தேசிய அடையாள அட்டைகள் பெறுவதற்கான வழிமுறைகள், ஆலோசனைகள், சிறுபுகார்கள் குறித்த விசாரணைகள், பொது வைத்தியப் பரிசோதனை, இரத்ததானம், கண்பரிசோதனை போன்ற சேவைகள் இடம்பெறவுள்ளன.

பொது அமைப்புகளின் அனுசரணையுடன் நடைபெறவுள்ள இந்த நடமாடும் சேவையில் பொதுமக்களைக் கலந்துகொண்டு சேவையைப் பெற்றுக்கொள்ளுமாறு பருத்தித்துறைப் பொலிஸார் அறிவித்துள்ளனர்.