யாழ். இயந்திரவியல் கல்லூரிக்கு பயிற்சிக்கு விண்ணப்ம் கோரல்

(கவிசுகி)

யாழ். குருநகர் பகுதியில் அமைந்துள்ள கடலோட்டு இயந்திரவியல் கல்லூரியில் ஒன்பது மாதகால டெக் அலுவலர் மற்றும் கடல் மாலுமி பயிற்சிநெறிக்கான விண்ணப்பம் ஆர்வமுள்ளவர்களிடம் கோரப்பட்டுள்ளது.

இப்பயிற்சிநெறி முதல் தடவையாக கொழும்பு சமுத்திரவியல் சர்வகலாசாலையின் அனுசரணையுடன் நடத்தப்படவிருப்பதாக கல்லூரியின் உதவிப் பணிப்பாளர் சி.செபஸ்தியாம்பிள்ளை அறிவித்துள்ளார்.

இக்கற்கைநெறிக்கு விண்ணப்பம் செய்வோர் பதினெட்டு வயதுக்கு மேற்பட்டவராகவும் கல்விப் பொதுத்தராதர சாதாரணதர பரீட்சையில் சித்தியடைந்தவராகவும் கடல் அனுபவம் உள்ளவராகவும் இருக்க வேண்டுமென தெரிவித்துள்ளார். விண்ணப்பங்களை கடலோட்டு மற்றும் எந்திரவியல் கல்லூரியில் நேரடியாக ஒப்படைக்குமாறு அவர் மேலும் தெரிவித்துள்ளார்.