'நல்லவரே' இசைத்தொகுப்பு அறிமுக நிகழ்வு

(தாஸ்)

யாழ். மாகாண அமதிகள் குழுமத்தைச் சேர்ந்த அருட்பணியாளர் விமல் ஓ.எம்.ஐ.யின் முயற்சியில் இலங்கை, இந்தியக் கலைஞர்களின் தயாரிப்பில் உருவாக்கப்பட்ட 'நல்லவரே' என்ற இவரது நான்காவது இசைத்தொகுப்பு யாழ்ப்பாணம்
பாதுகாவலன் மண்டபத்தில் அறிமுகம் செய்து வைக்கப்பட்டது.

நிகழ்வின் முதன்மை விருந்தினராக யாழ். மறை மாவட்ட ஆயர் தோமஸ் சவுந்தரநாயகம் ஆண்டகை, சிறப்பு விருந்தினர்களாக நெய்தல் இயக்குனர் அருட்பணி ஜெயசேகரம், யாழ். பல்கலைக்கழக புவியியல்த்துறை சிரேஷ்ட விரிவுரையாளர் ஏ.எஸ்.சூசை கலந்து கொண்டனர்.

வரவேற்புரையை அஞ்சலியக இயக்குனர் அருட்பணி சூசைடேமியன் யாழ். மாகாண அமதிகள் சபையின் முதன்மை ஆலோசகர் அருட்பணி சந்திரபோஸ் தலைமையுரைம் ஆற்றினர்.