வட மாகாண பாடசாலைகளுக்கு தமிழ் அகராதிகளை வழங்க நிதி ஒதுக்கீடு

வட மாகாணத்திலுள்ள இரண்டாம் தர பாடசாலைகளுக்கு தமிழ் அகராதிகளை விநியோகிக்கவென 20 இலட்சம் ரூபா நிதியை வடமாகாண சபை ஒதுக்கீடு செய்துள்ளது.

இந்தியாவிலிருந்து இந்த தமிழ் அகராதிகள் கொண்டுவரப்படவுள்ளதாக வட மாகாண கல்வி அமைச்சின் செயலாளர் எல். இளங்கோவன் தெரிவித்தார்.

வடக்கில் உயர் தரப் பிரிவில் கல்வி கற்கும் மாணவ மாணவிகளின் நலனை கருத்திற்கொண்டு இந்த நடவடிக்கை எடுக்கப்பட்டுள்ளது.

வட மாகாணத்திலுள்ள 557 இரண்டாம் தர பாடசாலைகளுக்கு இந்த அகராதிகள் விநியோகிக்கப்படவுள்ளதாக அவர் மேலும் தெரிவித்தார்.