யாழ். போதனா வைத்தியசாலை இரத்த வங்கியில் தட்டுப்பாடு

(கவிசுகி)

யாழ். போதனா வைத்தியசாலை இரத்த வங்கியில் அனைத்து வகையான இரத்தத்திற்கும் தட்டுப்பாடு நிலவுவதுடன்,  அவசரமாக இரத்தங்கள் தேவைப்படுவதாக யாழ். போதனா வைத்தியசாலை இரத்த வங்கி பொறுப்பதிகாரி வைத்தியர் திருமதி தாரணி குருபரன் இன்று சனிக்கிழமை  தெரிவித்துள்ளார்.

உயிர்காக்கும் உன்னதகொடையான இரத்தம் வழங்குமாறு அனைத்து இரத்தக் கொடையாளர்களுக்கும் அவர் அவசர வேண்டுகோள் விடுத்துள்ளார்.

தங்களது உடன்பிறப்புக்களின் உயிர்களைக் காக்குமாறும் இரத்தம் கொடுக்க விரும்புபவர்கள் யாழ். போதனா வைத்தியசாலையிலுள்ள இரத்த வங்கிக்கு உடன் விரையுமாறு அவர் கேட்டுக்கொண்டுள்ளார்.