அரியாலையில் இராணுவ வீரர் தற்கொலை

(கவிசுகி)

யாழ். அரியாலை படை முகாமில் கடமையாற்றிய இராணுவ வீரர் தன்னைத்தானே சுட்டு தற்கொலை செய்துகொண்ட சம்பவமொன்று இன்று வெள்ளிக்கிழமை காலை இடம்பெற்றுள்ளது.

லான்ட்ஸ் கோப்ரால் பதவிநிலை வகிக்கும் ரவீந்திர குமார என்பவரே இவ்வாறு தற்கொலை செய்துகொண்டவராவார். இவரது சடலத்தை இராணுவத்தினர் யாழ். போதனா வைத்தியசாலையில் ஒப்படைத்ததாக வைத்தியசாலை வட்டாரங்கள் தெரிவிக்கின்றன.

இவ்வாறு வைத்தியசாலையில் ஒப்படைக்கப்பட்ட சடலம் பிரேதப் பிரேதப் பரிசோதனைகள் இடம்பெற்றதன் பின்னர் மீண்டும் இராணுவத்தினரிடம் ஒப்படைக்கப்படவுள்ளதாக வைத்தியசாலை வட்டாரங்கள் மேலும் தெரிவிக்கின்றன.