பெயார்ஸ் நிறுவனத்தின் யாழ். வைத்தியசாலை புனரமைப்பு

(கவிசுகி)

இலங்கையில் மிகவும் பிரபல்யமான குழந்தைகளுக்கான சர்மப் பாதுகாப்பு தயாரிப்புக்களை வழங்கி வரும் பெயார்ஸ் நிறுவனம் தனது சமூகத் திட்டத்தின் கீழ் யாழ். போதனா வைத்தியசாலையின் புனரமைப்புப் பணிகளை மேற்கொண்டுள்ளது.

'பெயார்ஸ் காக்கும் கரங்கள்' திட்டத்தின் கீழ் 7 மில்லியன் ரூபா செலவில் யாழ். போதனா வைத்தியசாலையில் குழந்தைகள் விடுதி மறுசீரமைக்கப்பட்டுள்ளது. சிறுவர்களுக்கான வோர்ட் விடுதி, பூங்கா ஆகியனவும் புனரமைப்பு செய்யப்பட்டுள்ளன.

யாழ். போதனா வைத்தியசாலை பெயார்ஸ் நிறுவனத்தின் திட்டத்தில்; 17ஆவது வைத்தியசாலையாக தெரிவுசெய்யப்பட்டுள்ளது.

இதில் பெயார்ஸ் உற்பத்தி முகாமையாளர் கிரானஸ்,  யாழ். போதனா வைத்தியசாலையின் பணிப்பாளர் வைத்தியர் திருமதி பவானி, குழந்தைகள் வைத்திய நிபுணர் அருள்மொழி மற்றும் பெயார்ஸ் நிறுவனத்தின் உறுப்பினர்களும் கலந்துகொண்டனர்.