ஜ.ம.சு.கட்சியின் யாழ். அலுவலகம் திறந்துவைக்க நடவடிக்கை

(கவிசுகி)

ஜக்கிய மக்கள் சுதந்திரக் கட்சியின் யாழ். அலுவலகம் யாழ்ப்பாணத்தில் நாளைமறுதினம் ஞாயிற்றுக்கிழமை பொருளாதார அபிவிருத்தி அமைச்சர் பஸில் ராஜபக்ஷவினால் திறந்து வைக்கப்படவுள்ளது. யாழ். கோவில் வீதியில் இந்த அலுவலகம் திறந்து வைக்கப்படவுள்ளது.

யாழ். மாவட்ட அமைப்பாளர் அங்கஜனின் தலைமையில் நடைபெறவுள்ள இந்த நிகழ்வில் பாரம்பரிய கைத்தொழில் மற்றும் சிறுகைத்தொழில் அமைச்சர் டக்ளஸ் தேவானாந்தா, யாழ். மாவட்ட இராணுவக் கட்டளைத் தளபதி மேஜர் ஜெனரல் மஹிந்த ஹத்துருசிங்க, யாழ். மாவட்ட அரசாங்க அதிபர் திருமதி இமெல்டா சுகுமார், யாழ். மாநகரசபை மேயர் திருமதி யோகேஸ்வரி பற்குணராஜா ஆகியோர் கலந்து கொள்ளவுள்ளனர்.

மக்களின் சுதந்திரமான அரசியல் உரிமைகளைப் பெற்றுக்கொடுப்பதற்காக  யாழ். மாவட்டத்தில் ஜக்கிய மக்கள் சுதந்திரக் கட்சியின் யாழ். அலுவலகம் திறந்துவைக்கப்படவுள்ளதாக யாழ். மாவட்ட இணைப்பாளர் அங்கஜன் தெரிவித்துள்ளார்.