ஊடகவியலாளர் குகநாதன் மீதான தாக்குதல் தொடர்பில் அறிக்கை சமர்ப்பிப்பு

உதயன் பத்திரிகையின் பிரதம செய்தி ஆசிரியர் மீதான தாக்குதல் சம்பவம் தொடர்பில்  பொலிஸ்மா அதிபர் என்.கே.இலங்கக்கோன் முதலாவது அறிக்கையை ஜனாதிபதி மஹிந்த ராஜபக்ஷவிடம் சமர்ப்பித்துள்ளதாக ஜனாதிபதி ஊடகப் பிரிவின் பணிப்பாளர் நாயகம் பந்துல ஜயசேகர தெரிவித்துள்ளார்.

இந்த தாக்குதல் சம்பவம் தொடர்பில் மேலும் விசாரணைகள் முன்னெடுக்கப்பட்டு வருவதாகவும் அவர் கூறினார்.

உதயன் பத்திரிகையின் பிரதம செய்தி ஆசிரியரான ஞானசுந்தரம் குகநாதன் கடந்த ஜுலை மாதம் 29ஆம் திகதி இனந்தெரியாத நபர்களால் தாக்கப்பட்டிருந்த நிலையில், யாழ். போதனா வைத்தியசாலையின் அவசர சிகிச்சைப் பிரிவில் அனுமதிக்கப்பட்டிருந்தார். ஞானசுந்தரம்  குகநாதன்  தற்போதுஆபத்தான கட்டத்தை தாண்டிய நிலையில் குணமாகி வருவதாக யாழ். வைத்தியசாலைத் தகவல்கள் தெரிவித்துள்ளன. (DM)