கொலை செய்யப்பட்ட பின்னரே இரு சடலங்களும் தூக்கிலிடப்பட்டன: வைத்திய பரிசோதனை அறிக்கை

(கவிசுகி)

யாழ். கோப்பாய் பகுதியில் சடலங்களாக மீட்கப்பட்ட ஆணொருவரும் பெண்ணொருவரும் கொலைசெய்யப்பட்ட பின்னரே தூக்கில் தொங்கவிடப்பட்டதாகவும் இவர்களின் உடம்பில் உட்காயங்கள் பல காணப்படுவதாகவும் யாழ். போதனா வைத்தியசாலையில் பிரேதப் பிசோதனைகளை மேற்கொண்ட சட்ட மருத்துவ அதிகாரி வைத்தியர் சிவரூபன் தெவித்துள்ளார்.

கோப்பாய் தெற்கு வெள்ளவாய்க்கால் பகுதியிலுள்ள தோட்டக் காணியொன்றில் வளைந்த பனை மரமொன்றில்  ஆணொருவரினதும் பெண்ணொருவரினதும் சடலங்கள் தூக்கில் தொங்கிய நிலையில் நேற்றுமுன்தினம் புதன்கிழமை  மீட்கப்பட்டனர்.   

இன்று இந்த இரு சடலங்களினதும் பிரேத பரிசோதனை அறிக்கைகளை யாழ். நீதிமன்றத்தில் சமர்ப்பிக்கவுள்ளதாக கோப்பாய் பொலிஸார் தெரிவித்தனர்.