இன ஒற்றுமைக்காகவும் சுபீட்சத்திற்காகவும் ஊடகவியலாளர்கள் செயற்பட வேண்டும்: அமைச்சர் கெஹலிய ரம்புக்வெல

(கவிசுகி,கிரிசன்)

நாட்டின் இன ஒற்றுமைக்காகவும் சுபீட்சத்திற்காகவும் அனைத்து ஊடகவியலாளர்களும் ஒன்றினைந்து செயற்பட வேண்டுமென ஊடகத்துறை அமைச்சர் கெஹலிய ரம்புக்வெல்ல தெரிவித்துள்ளார்.

'செவிப்புல கட்புல ஊடக மீள்நோக்கு' என்னும் தொனிப்பொருளில்  ஊடகத்துறை அமைச்சின் பயிற்சிப்பட்டறை யாழ்ப்பாணத்தில் இன்று ஞாயிற்றுக்கிழமை நடைபெற்று வருகிறது. இதில் கலந்துகொண்டு உரையாற்றுகையிலேயே அவர் இவ்வாறு கூறினார்.

ஊடகவியலாளர்கள் உண்மைத் தன்மையுடன் சுதந்திரமாக செயற்பட வேண்டும். ஊடகங்களின் பணி மக்களின் மகிழ்ச்சிக்கும் சுபீட்சத்திற்கும் முன்னேற்றத்திற்காகவும் இருக்க வேண்டுமெனவும் அமைச்சர் குறிப்பிட்டுள்ளார்.