யாழில் குடிநீர் வழங்கல், சுகாதாரத்திட்டங்கள் தொடர்பில் ஆராய்வு

(கவிசுகி)

யாழ்ப்பாணம் மற்றும் கிளிநொச்சி மாவட்டங்களில் குடிநீர்வழங்கல், சுகாதாரத் திட்டம் சம்பந்தமாக தேசிய நீர்வழங்கல் வடிகால் அமைப்புச் சபையுடனான விசேட கலந்துரையாடலொன்று நேற்று செவ்வாய்க்கிழமை நடைபெற்றது.

யாழ். மாநகரசபையில் மாநகர முதல்வர் யோகேஸ்வரி பற்குணராசா தலைமையில் நடைபெற்ற இக்கலந்துரையாடலில் யாழ்ப்பாணம்; மற்றும் கிளிநொச்சிக்கான குடிநீர்த்திட்டம், மக்களின் சுகாதாரப் பிரச்சினைகள் குறித்தும் விளக்கமளிக்கப்பட்டன. இதன்போது குடிநீர்ப் பிரச்சினைக்கு தீர்வு காண்பது தொடர்பிலும் குடாநாட்டின் தீவகப்பகுதிக்கான குடிநீர்த்திட்டங்கள் குறித்தும் கேள்வியெழுப்பப்பட்டன.

இக்கலந்துரையாடலில் நீர்வழங்கல் சபையின் பிரதம பொறியியலாளர் பாரதிதாசன், பிரதிநிதிகளாக என்.பேற்றன் ஆகியோர் மாநகரசபை சார்பாகக் கலந்து கொண்டனர்.