உலக வங்கிக் குழு நாளை யாழ். விஜயம்

(கவிசுகி)
யாழ். குடாநாட்டில் உலக வங்கியின் நிதி உதவியுடன் நடைபெறும் வேலைத்திட்டங்களின் தற்போதைய நிலையை அறிவதற்காக உலக வங்கியின் பிரதிநிதிகளின் குழுவினர் நாளை வியாழக்கிழமை காலை யாழ்.குடாநாட்டிற்கு விஜயம் மேற்கொள்ளவுள்ளதாக யாழ். மாவட்ட அரச அதிபர் இமெல்டா சுகுமார் தெரிவித்துள்ளார்

இக்குழுவினர்  அண்மையில் மீளக்குடியேறிய பகுதிகளுக்கு விஜயம் செய்து மக்கள் எதிர் நோக்குகின்ற பிரச்சினைகள் தொடர்பாக நேரில் ஆராயவுள்ளனர்.

அத்துடன் யாழ்.மாவட்டத்தில் புதிய வேலைத்திட்ட முன் மொழிவுகள் தொடர்பாகவும் அவற்றுக்கான நிதி நிலைமைகள் தொடர்பாகவும் யாழ்.மாவட்ட செயலகத்தில் கலந்துரையாடவுள்ளதாகவும் யாழ்.அரச அதிபர் மேலும் தெரிவித்துள்ளார்.