பொலிஸ் சேவையில் தமிழ் இளைஞர், யுவதிகள்; யாழில் தேர்வுகள் ஆரம்பம்

(கவிசுகி)

யாழில் தமிழ் இளைஞர், யுவதிகளைப் பொலிஸ் சேவையில் இணைத்துக்கொள்வதற்கான தேர்வுகள் இன்று திங்கட்கிழமை ஆரம்பிக்கப்பட்டுள்ளன. இந்நிலையில், யாழ்.துரையப்பா விளையாட்டரங்கில் இதற்கான தேர்வு நடவடிக்கைகள் இடம்பெற்று வருகின்றன.

உதவிப் பொலிஸ் பரிசோதகர், கான்ஸ்டபிள் ஆகிய பதவிகளுக்கு இளைஞர் யுவதிகளை இணைப்பதற்கான நேர்முகத் தேர்வுகள் இன்று ஆரம்பிக்கப்பட்டுள்ள நிலையில், நாளையும் நாளை மறுதினமும் தேர்வுகள் நடத்த ஏற்பாடாகியுள்ளன.

இலங்கைப் பொலிஸ் சேவையில் இணைந்துகொள்ள விரும்பும் யாழ்ப்பாணத்தைச் சேர்ந்த அனைத்து இளைஞர், யுவதிகளும் இந்த நேர்முகத் தேர்வில் கலந்துகொள்ளுமாறு பொலிஸார் அறிவித்துள்ளமை குறிப்பிடத்தக்கது.