விடுதலைப் புலிகளிடம் ஆயுதப்பயிற்சி பெற்றதாக குற்றம் சுமத்தப்பட்ட நபர் யாழ். மேல் நீதிமன்றத்தினால் வி

(கவிசுகி)

பயங்கரவாதத் தடைச்சட்டத்தின் கீழ் கடந்த 2008 ஆம் ஆண்டு கண்டி  பொலிஸாரினால் கைது செய்யப்பட்ட அம்பலாங்கொடையைச் சேர்ந்த நபர் மூன்று வருடங்களின் பின்பு யாழ்.மேல் நீதிமன்றத்தினால் இன்று வியாழக்கிழமை விடுதலை செய்யப்பட்டுள்ளார்.

அம்பலாங்கொடையைச் சேர்ந்த தேவராஜ் முரளிராஜா 2005 ஆம் ஆண்டு டிசம்பர் மாதத்தில் கிளிநொச்சி பிரதேசத்தில் மறைமுகமான இடம் ஒன்றில் விடுதலைப் புலிகளிடம் மைக்ரோ பிஸ்டல் மற்றும் ஏ.கே 47 ஆயுதங்கள் தொடர்பான ஆயுதப்பயிற்சி பெற்றார் என்ற சந்தேகத்தில் குற்றப் புலனாய்வுப் பிரிவினரால் 2008 ஆம் ஆண்டு கண்டியில் வைத்து கைது செய்யப்பட்டார்.

குறித்த நபருக்கு எதிரான குற்றச்சாட்டினை சட்டமா திணைக்களம் யாழ்.மேல் நீதிமன்றில் நடத்தி வந்தது. இந்த வழக்கில் சாட்சியான உதவி பொலிஸ் பரிசோதகர் பல தடைவை யாழ்.மேல் நீதிமன்றால் கட்டளை அனுப்பப்பட்டும்
மன்றிற்கு சமூகமளிக்கவில்லை

இன்று, மேல் நீதிமன்ற நீதிபதி சுப்பிரமணியம் பரமராஜாவினால் விடுதலை செய்யப்பட்டுள்ளார்.

பயங்கரவாதத் தடைச்சட்டத்தின் கீழ் கைது செய்யப்பட்ட தேவராஜ் முரளிராஜா சார்பாக கண்டி சட்டத்தரணி எஸ்.பத்மலகஷ்மன் ஆஜராகி வாதாடி வந்தார்.