காணித் தகராறில் வாள்வெட்டு; ஒருவர் காயம்; மற்றொருவர் கைது

(கவிசுகி)

யாழ். குருநகர் பிரதேசத்துக்குட்பட்ட திருநகர், இராஜசிங்கம் வீதியிலுள்ள வீடு ஒன்றுக்குள் புகுந்த இனந்தெரியாதோர் சிலர் மேற்கொண்ட வாள் வெட்டில் குடும்பஸ்தர் ஒருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார் என்று யாழ். பொலிஸார் தெரிவித்துள்ளனர்.

காணித்தகராறு ஒன்று காரணமாகவே இந்த வாள் வெட்டுச் சம்பவம் இடம்பெற்றதாகக் கூறும் பொலிஸார், சம்பவத்துடன் தொடர்புடையதாக சந்தேகத்தின் பேரில் ஒருவரைக் கைது செய்துள்ளனர். மேலும் மூவர் தொடர்பில் விசாரணைகளை முன்னெடுத்து வருகின்றனர்.