ரஷ்ய நாட்டவரின் கணினியை திருடிய குற்றச்சாட்டில் ஒருவர் கைது

(கவிசுகி)

யாழ். நகர பகுதியிலுள்ள உல்லாச விடுதியில் தங்கியிருந்த ரஷ்ய பிரஜையின் கணினி உள்ளிட்ட உபகரணங்களை திருடிய குற்றச்சாட்டில் விடுதி ஊழியரொருவர்  யாழ். பொலிஸாரினால் கைது செய்யப்பட்டுள்ளார்.

கைது செய்யப்பட்ட சந்தேக நபர் இன்று செவ்வாய்கிழமை யாழ். நீதிவான் நீதிமன்றில் ஆஜர்படுத்தப்பட்டார்.  இதன் போது அவருக்கு 10,000 ரொக்க பிணையிலும்  50,000 இரண்டு ஆட் பிணையில் விடுதலை செய்ய யாழ். நீதிவான் நீதிமன்ற நீதிபதி மா. கணேசராசா உத்தரவிட்டார்.