நல்லூருக்கு மட்டும் மாநகர சபை உதவி செய்கின்றது: இளங்கோவன்

Thipaan / 2014 ஜூலை 31 , பி.ப. 01:54 - 0 - {{hitsCtrl.values.hits}}

-பொ.சோபிகா, யோ.வித்தியா

யாழ். மாநகர சபை நல்லூர் ஆலய உற்சவகாலத்தில் பல உதவிகளைச் செய்வது போல, எல்லைக்குட்பட்ட இடங்களிலுள்ள ஏனைய ஆலயங்களுக்கும் உதவிகள் செய்வதில்லையென மாநகர சபை ஆளுங்கட்சி உறுப்பினர் துரைராசா இளங்கோவன், சபையில் இன்று வியாழக்கிழமை (31) கேள்வியெழுப்பினார்.

யாழ். மாநகர சபையின் மாதாந்த கூட்டத் தொடர் மாநகர சபை முதல்வர் யோகேஸ்வரி பற்குணராசா தலைமையில் மாநகர சபை கேட்போர் கூடத்தில் இன்று இடம்பெற்றது.

இதன்போதே இளங்கோவன் மேற்கண்டவாறு கேள்வி எழுப்பினார்.

அதற்குப் பதிலளித்த முதல்வர், ஏனைய ஆலயங்களிலுள்ள குறைபாடுகள் தொடர்பாக உரிய நேரத்தில் எழுத்து மூலம் அறியத்தந்தால் அதற்குரிய நடவடிக்கை எடுத்து உதவிகளை யாழ். மாநகர சபை வழங்கும் எனத் தெரிவித்தார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .