வடமாகாணசபையின் புதிய உறுப்பினர் பதவியேற்றார்

-நா.நவரத்தினராசா

மறைந்த முன்னாள் வடமாகாண சபை உறுப்பினர் வீரபாகு கனகசுந்தரத்துக்கு பதிலாக நியமிக்கப்பட்ட புதிய வடமாகாண சபை உறுப்பினர் கந்தையா சிவனேசன் புதன்கிழமை (06) தனது பதவியை பொறுப்பேற்றுக்கொண்டார்.

கைதடியில் அமைந்துள்ள வடமாகாண சபையில், வடமாகாண அவைத்தலைவர் சி.வி.கே.சிவஞானம் முன்னிலையில் இவர் சத்தியப்பிரமாணம் செய்தார்.

கனகசுந்தரசுவாமி, கடந்த பெப்ரவரி 17ஆம் திகதி காலமானதால், அவரது இடத்துக்காக வடமாகாண சபைத் தேர்தலில் முல்லைத்தீவு மாவட்டத்தில் போட்டியிட்டு அடுத்த நிலையில் இருந்த தமிழீழ மக்கள் விடுதலை கழகத்தின் உறுப்பினரான சிவனேசன், தேர்தல் ஆணையாளரால் நியமிக்கப்பட்டார்.

புளொட் கட்சியின் தலைவர் தர்மலிங்கம் சித்தார்த்தன், கட்சியின் உறுப்பினர்கள்  ஆகியோர் இதில் கலந்துகொண்டனர்.