மீள்குடியேறும் பகுதியில் கைக்குண்டு மீட்பு

-செல்வநாயகம் கபிலன்

அண்மையில் மீளக்குடியமர்வதற்கு அனுமதிக்கப்பட்ட வசாவிளான் பகுதியிலுள்ள காணியொன்றில் இருந்து ஞாயிற்றுக்கிழமை (10) கைக்குண்டொன்று மீட்கப்பட்டதாக அச்சுவேலி பொலிஸார் திங்கட்கிழமை (11) தெரிவித்தனர்.

காணி துப்பரவு பணியில் ஈடுபட்டிருந்த காணியின் உரிமையாளர் ஒருவர் குண்டு இருப்பதை அவதானித்து, அச்சுவேலி பொலிஸ் நிலையத்துக்கு தெரியப்படுத்தியுள்ளார்.

இராணுவத்தினரின் 511 படைப்பிரிவின் குண்டு செயலிழக்கும் பிரிவுடன் சென்று குண்டை மீட்டதாக பொலிஸார் கூறினர்.