நெல்லியடி பஸ் நிலைய வேலைகள் பூர்த்தி

- செல்வநாயகம் கபிலன்

வடமாகாண சபையின் 3 மில்லியன் ரூபாய் நிதியுதவியில் அமைக்கப்பட்ட நெல்லியடி பஸ் நிலையத்தின் கட்டடப் பணிகள் முடிவடையும் நிலையில் இருப்பதால், விரைவில் திறந்து வைக்கப்படவுள்ளதாக கரவெட்டிப் பிரதேச சபை தவிசாளர் பொன்னையா வியாகேசு, செவ்வாய்க்கிழமை (12) தெரிவித்தார்.

வடமாகாண மீன்பிடி, போக்குவரத்து அமைச்சின் 2 மில்லியன் ரூபாய், முதலமைச்சரின் பன்முகப்படுத்தப்பட்ட 1 மில்லியன் ரூபாய் என மொத்தம் 3 மில்லியன் ரூபாய் நிதியில் கடந்த 2014 ஆம் ஆண்டு நவம்பர் மாதம் கட்டப் பணிகள் ஆரம்பிக்கப்பட்டன.

மலசலகூடம், தேநீர் கடை உள்ளிட்டவை உள்ளடங்கலாக பஸ் நிலையம் அமைக்கப்பட்டுள்ளது. பஸ் நிலையத்தின் நடுவில் அமைக்கப்பட்டுள்ள தேநீர்க்கடை குத்தகை அடிப்படையில் வழங்கப்படவுள்ளது என்றார்.