தேவாலயத்துக்குச் சென்ற யுவதியை காணவில்லை

-செல்வநாயகம் கபிலன்

யாழ்ப்பாணம், சுன்னாகம் பகுதியிலுள்ள தேவாலயத்துக்குச் சனிக்கிழமை (13) சென்ற சுன்னாகம் கிழக்குப் பகுதியை சேர்ந்த உ.ஸ்டெலா (வயது 20) என்ற யுவதியைக் காணவில்லையென யுவதியின் பெற்றோரால் முறைப்பாடு பதிவு செய்யப்பட்டுள்ளதாக சுன்னாகம் பொலிஸார் கூறினர்.

சனிக்கிழமை காலை தேவாலயத்துக்குச் செல்வதாகக் கூறிவிட்டுச் சென்ற யுவதி இதுவரையில் வீடு திரும்பவில்லையெனவும் எங்கு தேடியும் யுவதி கிடைக்கவில்லையெனவும் பொலிஸ் முறைப்பாட்டில், யுவதியின் பெற்றோர் தெரிவித்துள்ளனர்.

முறைப்பாட்டின் பிரகாரம் மேலதிக விசாரணைகளை முன்னெடுத்து வருவதாக பொலிஸார் கூறினர்.