பாடசாலை சமையல் பொருட்களை திருடிய நால்வர் கைது

-செல்வநாயகம் கபிலன்

யாழ்ப்பாணம், கற்கோவளம் மெதடிஸ்த மிசன் தமிழ் கலவன் பாடசாலையின் சமையல் அறையிலிருந்த சமையல் பொருட்களை ஞாயிற்றுக்கிழமை (21) இரவு திருடிய குற்றச்சாட்டில் அதேயிடத்தைச் சேர்ந்த 4 சந்தேகநபர்கள் செவ்வாய்க்கிழமை கைது செய்யப்பட்டுள்ளதாக பருத்தித்துறைப் பொலிஸார் தெரிவித்தனர்.

சமையல் அறையிலிருந்த 3 பெட்டி மீன்ரின், 2 கான் ஒயில் என்பன திருடப்பட்டுள்ளதாக பாடசாலை அதிபர் பொலிஸ் நிலையத்தில் முறைப்பாடு பதிவு செய்தார்.

முறைப்பாட்டின் பிரகாரம் விசாரணைகளை மேற்கொண்ட பொலிஸார் சந்தேகநபர்களைக் கைது செய்தனர். சந்தேகநபர்களை நீதிமன்றத்தில் ஆஜர்படுத்துவதற்கான நடவடிக்கைகளை மேற்கொண்டு வருவதாக பொலிஸார் கூறினர்.