ஆலயத்தில் சங்கிலி அறுக்க முற்பட்ட இரு யுவதிகள் கைது

சித்தன்கேணி ஸ்ரீ சிவசிதம்பரேஸ்வரர் ஆலயத்தில் இன்று புதன்கிழமை (24) சங்கிலி அறுக்க முற்பட்ட இரண்டு யுவதிகளை பிடித்த ஆலய பரிபாலன சபையினர், தங்களிடம் ஒப்படைத்ததாக வட்டுக்கோட்டைப் பொலிஸார் தெரிவித்தனர். தென்பகுதியில் இருந்து வருகை தந்த இரு யுவதிகளே இவ்வாறு பிடிபட்டுள்ளனர்.

ஆலயத்தின் திருவிழா நடைபெற்றுக்கொண்டிருந்த போது, இரண்டு யுவதிகளும் பெண்ணொருவரின் சங்கிலியை அறுக்க முற்பட்ட வேளையில், அங்கிருந்த பொதுமக்களால் பிடிக்கப்பட்டு ஆலய பரிபாலன சபையினரிடம் ஒப்படைக்கப்பட்டனர். மேலதிக விசாரணைகளை மேற்கொண்டு வருவதாக பொலிஸார் கூறினர்.