மாடுகளை கடத்தியவர் கைது

-செல்வநாயகம் கபிலன்

சிறிய வாகனமொன்றில் அனுமதிப்பத்திரமின்றி 6 மாடுகளை சித்திரவதை செய்து கடத்திச் சென்ற 28 வயதுடைய மல்லாகம், 7ஆம் கட்டை பகுதியைச் சேர்ந்த சந்தேகநபர் ஒருவரை ஞாயிற்றுக்கிழமை (19) இரவு கைது செய்ததாக அச்சுவேலி பொலிஸார் தெரிவித்தனர்.

புத்தூர், பெரியபொக்கணை பகுதியிலிருந்து 4 பசு மாடுகள், 2 நாம்பன் மாடுகளை கடுமையாக சித்திரவதை செய்து கடத்திக்கொண்டு செல்கையிலேயே மேற்படி சந்தேகநபர், புத்தூர் சந்தியில் வைத்து கைது செய்யப்பட்டுள்ளார்.

சந்தேகநபரிடம் மேற்கொண்ட விசாரணையில் கடத்தப்பட்ட மாடுகள், இறைச்சிக்காக கொண்டு செல்லப்பட்டுள்ளதாக பொலிஸார் மேலும் தெரிவித்தனர்.