உடும்பு பிடித்தவருக்குப் பிணை

- செல்வநாயகம் கபிலன்

காரைநகர், கசூரினா கடற்கரையில் உடும்பு பிடித்த நபரொருவரை, 50,000 ரூபாய் ஆட்பிணையில் செல்ல ஊர்காவற்றுறை நீதவான் நீதிமன்ற நீதவான் செல்வநாயகம் லெனின்குமார், இன்று திங்கட்கிழமை (21) அனுமதியளித்தார்.

நண்பர்களுடன் நேற்று ஞாயிற்றுக்கிழமை (20) கசூரினாவுக்குச் சென்ற யாழ்ப்பாணத்தைச் சேர்ந்த 28 வயது இளைஞனொருவர், அங்கு திரிந்த உடும்புப் பிடித்து வைத்துள்ளார். 

இதனை அவதானித்த அங்கு கடமையிலிருந்த பொலிஸார், இளைஞனைக் கைது செய்ததுடன், உடும்பையும் மீட்டனர்.

இளைஞன், ஊர்காவற்றுறை பொலிஸாரால் இன்று நீதிமன்றத்தில் ஆஜர்ப்படுத்தப்பட்ட போதே மேற்படி அனுமதியளித்ததுடன், வனஜீவராசிகள் திணைக்களத்தின் உதவியுடன் உடும்பை காட்டுக்குள் விடுமாறும் நீதவான் உத்தரவிட்டார்.