ஒரே பிரசவத்தில் 4 சிசுக்கள் பிரசவம்

-செந்தூரன் பிரதீபன்

தெல்லிப்பழை ஆதார வைத்தியசாலையில் இருந்து பிரசவவலி காரணமாக, யாழ்ப்பாணம் போதனா வைத்தியசாலைக்கு மாற்றப்பட்ட இளம் குடும்பப் பெண் ஒருவருக்கு நான்கு பெண் சிசுக்கள் பிறந்துள்ளனவென, யாழ்ப்பாணம் போதனா வைத்தியசாலையின் பணிப்பாளர் டி.சத்தியமூர்த்தி தெரிவித்தார்.

உடுவில் பகுதியைச் சேர்ந்த ஆசிரியர் ஒருவருக்கே, இவ்வாறு நான்கு பெண் சிசுக்கள் கிடைக்கப்பெற்றுள்ளன.

குழந்தைகள் தற்போது ஆரோக்கியத்துடன் காணப்படுவதாகவும் அவர்கள் விசேட மருத்துவ கண்காணிப்பின் கீழ் வைக்கப்பட்டுள்ளதாகவும், யாழ்ப்பாணம் போதனா வைத்தியசாலையின் குழந்தை வைத்திய நிபுணர் ஜெயபாலன் தெரிவித்தார்.