கடற்படை வீரர் கைது

-எம்.றொசாந்த்

தனது உடமையில் கஞ்சா வைத்திருந்த குற்றசாட்டில் கடற்படை வீரர் ஒருவர் காங்கேசன்துறை பொலிஸாரால் கைதுசெய்யப்பட்டுள்ளார். 

காங்கேசன்துறை கடற்படை முகாமில் கடமையாற்றும் காலியை சேர்ந்த 23 வயதுடைய கடற்படை வீரரே இவ்வாறு கைதுசெய்யப்பட்டுள்ளார். 

குறித்த நபரிடம் இருந்து 27 கிராம் 7 மில்லிகிராம் கஞ்சா போதை பொருளை மீட்டதாகவும், அவரை நீதிமன்றில் ஆஜர்படுத்துவதற்கான நடவடிக்கைகளை முன்னெடுத்துள்ளதாகவும், காங்கேசன்துறை பொலிஸார் தெரிவித்தனர்.