கணவன் மனைவியை வெட்டி காயப்படுத்தியவர் கைது

செந்தூரன் பிரதீபன்

இருபாலை, மடத்தடி பகுதியில் கடந்த வாரம், வீட்டில் இருந்த கணவன் மனைவி இருவரையும் வெட்டி காயப்படுத்திவிட்டு, கடந்த பத்து நாள்களாக தலைமறைவாக இருந்தவர் கோப்பாய் பொலிஸாரால் கைது செய்யப்பட்டுள்ளார்.

இருபாலை மடத்தடி பகுதியில் வீடு புகுந்து, கணவன் - மனைவியை வாளால் வெட்டி காயப்படுத்திவிட்டு, வலைப்பாடு பகுதியில் தலைமறைவாகியிருந்த சந்தேக நபர் கோப்பாய் பொலிசாரால் கைது செய்யப்பட்டுள்ளதோடு தாக்குதலுக்கு பயன்படுத்தப்பட்ட வாளும் சந்தேக நபரின் வீட்டின் கோழிக் கூட்டுக்குள் இருந்து கைப்பற்றப்பட்டுள்ளது.