சிவசிதம்பரத்தின் முழு உருவச் சிலை நிர்மாணம்

-எஸ்.கர்ணன்

முன்னாள் உப சபாநாயகரும் நல்லூர், உடுப்பிட்டி தொகுதிகளின் நாடாளுமன்ற உறுப்பினருமான மறைந்த மு.சிவசிதம்பரத்தின் முழு உருவச் சிலையானது, சுமார் 3 இலட்சம் ரூபாய் செலவில் அமைக்கப்பட்டு வருகின்றது.

கரவெட்டி அபிவிருத்தி ஒன்றியத்தால் முன்னெடுக்கப்பட்டுள்ள இந்தச் பணிக்கான சிலையை, சிற்பாசிரியர் ரமணி செய்து வருகின்றார். இந்த சிலை, பருத்தித்துறை – யாழ்ப்பாணம் வீதியில், நெல்லியடி பஸ் நிலையத்துக்கு அருகில் நிறுவப்படவுள்ளது. இதற்கான இடவசதியை கரவெட்டி பிரதேச சபை ஏற்படுத்திக் கொடுத்ததையடுத்து, சிலைக்கான பீடம் அமைக்கும் பணி தற்போது மேற்கொள்ளப்படுகின்றது.

விரைவில் இந்தச் சிலை நிறுவப்பட்டு திறந்து வைக்கப்படும் என அமைப்பாளர்கள் தெரிவித்தனர்.