சட்டவிரோத கேபிள் ரீவி இணைப்பால் குடும்பப் பெண் உயிரிழப்பு

சட்டவிரோத கேபிள் ரீவி இணைப்பின் ஊடாகப் பாய்ந்த மின்சாரம் தாக்கி குடும்பப் பெண் ஒருவர் பரிதாபமாக உயிரிழந்தார்.

யாழ்ப்பாணம் வைத்தியசாலை வீதியில் இந்தச் சம்பவம் இன்று (28) முற்பகல் இடம்பெற்றது.

அதே இடத்தைச் சேர்ந்த இராசநாயகம் லீலாவதி (வயது-55) என்ற குடும்பப் பெண்ணே உயிரிழந்துள்ளார்.

கேபிள் ரீவி இணைப்பு வயரை அவர் பிடித்த போது, அதனூடாகப் பாய்ந்த மின்சாரம் தாக்கியதிலேயே குறித்த பெண் உயிரிழந்தார் என்று ஆரம்ப விசாரணைகளின் தெரியவந்துள்ளதாக பொலிஸார் தெரிவித்தனர்.