சபாநாயகருக்கு வாழ்த்து தெரிவித்து சுவரொட்டிகள்

- எஸ்.நிதர்ஷன்

சபாநாயகர் கரு ஜயசூரியவை ஆதரித்தும் அவருக்கு வாழ்த்து தெரிவித்தும் யாழில் பல இடங்களிலும் சுவரொட்டிகள் ஒட்டப்பட்டுள்ளன.

நாட்டில் ஏற்பட்டிருக்கும் அரசியல் நெருக்கடி நிலைமையில் சபாநாயகரின் செயற்பாடுகள் ‘எமக்கும் பெருமை நாட்டுக்கும் பெருமை’ எனது தலைப்பிடப்பட்டே இச் சுவரொட்டிகள் ஒட்டப்பட்டுள்ளன.

இந்த சுவரொட்டிகளில் நாடாளுமன்ற சம்பிரதாயங்கள் அதிகாரங்கள் மற்றும் மக்களின் அபிலாசைகளுக்கமைய நாட்டின் ஜனநாயகத்தை நிலை நிறுத்த அச்சமின்றி வீரத்துடன் கடமையாற்றியுள்ள சபாநாயகருக்கு நாட்டு மக்களின் ஆசீர்வாதங்கள் எனவும் குறிப்பிடப்பட்டுள்ளது.