தீவிர சிகிச்சை பிரிவில் அனுமதிக்கப்பட்ட பெண்ணுக்கு கொரோனா

எம்.றொசாந்த் 

யாழ்ப்பாணம் போதனா வைத்தியசாலையின் அதிதீவிர சிகிச்சை பிரிவில் அனுமதிக்கப்பட்ட வயோதிபப் பெண் ஒருவருக்கு, கோரோனா வைரஸ் தொற்றுள்ளமை கண்டறியப்பட்டுள்ளது.

யாழ்ப்பாணம் - சுதுமலையைச் சேர்ந்த 64 வயதுடைய வயோதிபப் பெண் ஒருவருக்கே, இவ்வாறு தொற்றுள்ளமை கண்டறியப்பட்டுள்ளது.

நேற்று (21) மாலை, அந்த வயோதிபப் பெணிடம் முன்னெடுக்கப்பட்ட அதிவிரைவு அன்டிஜன் பரிசோதனையிலேயே தொற்று உறுதிப்படுத்தப்பட்டுள்ளது. 

இதையடுத்து, அவருக்கு மருத்துவ சேவை வழங்கிய தாதிய உத்தியோகத்தர் ஒருவர் தனிமைப்படுத்தப்பட்டுள்ளார்.

 எனினும், பிசிஆர் பரிசோதையின் பின்னரே, அவர் கொவிட்-19  சிகிச்சை நிலையத்துக்கு மாற்றப்படுவார் என்று தெரிவிக்கப்பட்டுள்ளது.

குறித்த வயோதிபப் பெண், கடந்த வாரம், யாழ்ப்பாணம் போதனா வைத்தியசாலையின் மருத்துவ விடுதியில் சிகிச்சை பெற்று வீடு திரும்பிய நிலையில், நேற்று (21) ஏற்பட்ட திடீர் மூச்சுத் திறனலையடுத்து, அதிதீவிர சிகிச்சை பிரிவில் அனுமதிக்கப்பட்டமை குறிப்பிடத்தக்கது.